 |
I Braghenti
di Renato Monetti
Dopu cent'ann e passa
Ul stabiliment Braghenti
L s'è trasferi dal centro:
L'é andà in periferia...
é gh'é restèa du muur
ca mètan nostalgia
Regòrdi da fiurèj
Ca regùlàam ul dì
sul cornu dul Braghenti
Lè già rivàa mesdij
E a cà da l'uratòri
Mesc'ciàa cun tutt la gèent
Cumè da un furmighèe
tùcc fora da 'stu sitt!
Ma quanti ga n'è dentar
Disèi tra mi e mi...
In di periodi d'òor
Ga n'èera dèentar mila:
Malnà l'era tutt lì!
L'sa fasèa la pèzza...
Lì sa dudava 'l ghell...
Sa guadagnava la mica...
Dent'lì la giuvìnezza
Sfioriva zica a zica...
Cui occ ca s'incrusavan
Dès ur da laurà...
... 'ma l'era duur ul pan!
Quanto il sa duèa sudà! |
Davanti a chij telar...
Tirà quell pèes su e giò...
Fora 'a navata vòia,
mett dentar quea piena...
ndaan dul dì e da nott,
a l'era ... un rebelòtt!
"Mecahich! Vuta chì!!!
Ma scapa fora 'l fill"
Duè fa su ìn bell fròpp
Par arestà ì 'a scurlera...
Ridagh su la manèta,
parchè in da la giurnada
andvan faìì tant metar...
ciamada in direzziùn:
"Questa l'è la su pèzza?
Ghè dentar 'na ciarla!...
Ma mo l'è propri bèla:
gh'ho 'a multa da pagà!
E quanti amur nassuu
In mezz a chij telar...
A uanti mèes passa
N dul ventàar di nos' mamm...
In mezz a quell frecass...
Custrètt a laurà
Par sudisfà la famm!
Mo, resta chi du muur...
J'a pòtran via dumàn...
Resta dumà 'l ricòord
da chij bèj temp luntàn... |
